Os xogos e o seu valor nas clases de Ed.Fisica

XOGO E EDUCACION FISICA
O tema que trato hoxe, fai referencia ao valor que teñen os xogos na área de Ed. Fisica tanto coma recurso en si como un medio para acadar os obxectivos marcados para a Ed.Primaria.
O xogo constitúen ou así debería ser o medio máis significativo de intervención na Educación Física, onde cumpre cos mais variados obxectivos sen esquecer os obxectivos que cumpre desde o campo social, intelectual e afectivo, favorece o desenvolvemento das calidades físicas básicas, favorece o melloramento das capacidades físicas condicionantes, permite a adquisición de habilidades motrices básicas, facilita a aprendizaxe de movementos técnicos-tácticos de carácter deportivo e expresión corporal. Ademais disto as aplicacións dos xogos no terreo da educación física son múltiples:
Contribúe ao desenvolvemento da personalidade a través do movemento, afirmando o xogo social e aceptando a regra como norma. Mediante el conséguese obxectivos e desenvólvense contidos: achegando vivencias motrices e sociolóxicas na parte introductoria, central e final dunha clase.
Propicia mediante o pracer e a diversión a creación de hábitos que perduran cara a unha actitude positiva fronte á actividade física.
Fomenta a sociabilidad e a intelixencia, por medio da riqueza que proporcionan os xogos. Comunmente na educación física priviléxianse xogos nos que prima o compoñente de carreira ou velocidade, esquecendo moitas veces a gran variedade de xogos que poden ser aplicados, entre estes temos:
Xogos de expresión e comunicación:
todos aqueles xogos que fan uso dos recursos expresivos do corpo como xestos e movementos para expresar sensacións, vivencias e sentimentos e ideas así como tamén comprender e valorar mensaxes expresadas nestes mesmos termos por outros.
Xogos sensoriais: constitúen este tipo de xogo todos aqueles que axudan a percibir a realidade que nos rodea mediante os sentidos, debemos ter presente que desenvolver todos os sentidos en igual proporción permitiranos non só percibir mellor a realidade senón tamén gozala doutro xeito; por isto é moi importante incluír dentro das sesións de educación física xogos que promovan o desenvolvemento da percepción.
Xogos motores: son os xogos nos que o seu principal compoñente é o movemento ben sexa de todo o corpo ou dunha parte do mesmo, que buscan o desenvolvemento de habilidades e destrezas mediante o desenvolvemento e mellora das capacidades físicas coordinativas e que se desenvolven durante a parte principal ou central dunha sesión de educación física. Entre eles podemos distinguir xogos locomotores, de equilibrio, de manipulación, de velocidade, de ritmo, etc.
Xogos de desenvolvemento corporal: son xogos que buscan o desenvolvemento ou mellora das capacidades físicas condicionantes como a forza, a velocidade e a resistencia.
Xogos de oposición: constitúen os xogos favoritos pola mayoria de nenos que consisten en derrotar ao contrario. Con este tipo de xogos hai que ter presente que non podemos abusar deles, pois privilexian aos máis dotados polo que seguramente sempre haberá máis dun neno que non queira participar.
Xogos de cooperación: ensinan aos participantes que a mellor forma de conseguir un obxectivo é a colaboración. Neste tipo de xogos non importa ser o primeiro, nin ser o mellor, o que importa é axudarse entre todos para lograr o éxito.
Xogos tradicionais: son xogos que formaron e forman parte do acervo cultural, resultado da súa transmisión xeracional.
Resumindo, podemos afirmar que o xogo é o medio ideal para globalizar e interrelacionar os contidos non só da educación física, senón de todas as áreas en xeral, xa que nel atópase un medio eficaz de aprendizaxe e socialización, onde as condutas motoras interactúan coas cognitivas e afectivas reunindo unha serie de características que o converten nun poderoso medio de educación, axudando ao desenvolvemento de todas as facetas do individuo; cabe aclarar que as posibilidades que poden ter os xogos son tan extensas que de ningún xeito pódense entender limitadas:
Desde o plano cognitivo:
-Facilita a observación, análise, interpretación e resolución de problemas.
-Permite a aprendizaxe como factor motivante de primeira orde.
No plano motriz:
-desenvolve e mellora as capacidades perceptivas motrices e as capacidades físico deportivo.
-Contribúe ao desenvolvemento armónico e integral de individuo.
No plano afectivo:
-Afirma a personalidade.
-O equilibrio emocional.
-A autoevaluación, etc.
-Facilita o coñecemento e dominio do mundo, incluído o propio que é vivido como parte integrante dun todo no espazo no que se desenvolve o xogo.
-Integra o eu, os demais, as situacións e as posibles relacións entre os elementos.
-Proporciona momentos de alegría, pracer e diversión.
No aspecto social:
-Favorece o proceso de socialización, descubrimento e respecto dos outros, as regras, etc.
-Facilita o coñecemento dos outros, permitindo a aceptación dos demais.
-Permite a aprendizaxe dos labores en grupo, en equipo, en colaboración, en busca dun obxectivo común.
-Potencia a responsabilidade, como parte da actuación individual no xogo.
-O xogo desde o punto de vista pedagóxico encerra unha serie de valores recreativos, culturais, psicolóxicos, etc. é por iso que posúe distintos campos de aplicación, nos que se configuraron modelos de xogos, cada un deles coas súas características particulares. A continuación mencionaremos as distintas formas de presentación desde o ámbito específico da educación física.