Esta parte que aporto eiqui,corresponde a formación e tecnificación de 12-14 anos(Infantís).
A nosa estructura consta de tres ciclos ou etapas (Primeiro ciclo: Iniciación, Segundo ciclo: Formación e 3º ciclo Tecnificación).
Traballamos:
-formulación de obxectivos acordes á idade dos xogadores con respecto á etapa anterior
-contidos de traballo afíns aos obxectivos propostos e unhas orientacións para o ensino aprendizaxe dirixidas ao desenvolvemento dos contidos de traballo.
Os obxectivos seguirán agrupados en tres grandes apartados: procedimentales (práctica), conceptuais (teóricos) e actitudinais (actitudes, valores e normas).
É unha etapa onde finaliza o segundo ciclo de traballo, o cal agrupa a Formación e a Tecnificación, esta etapa deberá garantir o correcto desenvolvemento das aprendizaxes para entrar no terceiro e último ciclo, coas súas etapas pertinentes, o Perfeccionamento (cadetes) e o Rendemento (xuvenís) de forma que minimice os cambios substanciales de traballo que leva a etapa cadete e xuvenil. Polo tanto, a partir desta idade entramos de cheo no adestramento sistemático, onde a dinámica dos principios do adestramento, as cargas de traballo de diversa índole, os descansos, recuperacións, etc. están presentes en todas as sesións de adestramento mediante a programación de microciclos dentro do mesociclo e o período concreto da tempada.
Partes a traballar:
1.-Técnica.
Nesta etapa a técnica individual con balón sitúase nun primeiro plano dentro das sesións de adestramento, é o motor principal de traballo xa que é o momento óptimo e favorable para o adestramento técnico-motriz, por iso, todas as posibilidades e variantes técnicas deben ser traballadas e fixadas para crear unha imaxe motriz o máis correcta, rica e eficaz posible xa que en etapas posteriores será máis difícil corrixir erros.
2.-Táctica.
Tamén aspectos tácticos e estratéxicos empezan a ter a súa importancia dentro do adestramento, os máis aconsellables son os sistemas básicos de xogo, de fácil comprensión e aplicación para os xogadores, sendo estes de gran axuda para seguir desenvolvendo a capacidade de percepción e decisión en diversas situacións de xogo real.
3.-Preparación física.
Para terminar estes apuntes referentes a esta etapa, dicir que o adestramento de preparación física vai encamiñado a un certo traballo en volume e intensidade no desenvolvemento das capacidades condicionais (calidades físicas básicas), especialmente as de tipo aeróbico e evitando os adestramentos cun alto compoñente anaeróbico. Recomendo facer exercicios de Velocidade e movemento continuo,asi tamén traballamos a resistencia.
Obxectivos didácticos
a).-Mellorar as capacidades coordinativas específicas do fútbol sala, fixando correctamente as aprendizaxes técnicas de etapas anteriores e incorporar de novos: fintas, caneos, golpeos de cabeza, pivotajes, disparos a portería desde diferentes ángulos e con diferentes traxectorias, saques de banda e esquina curtos, longos, rasos medios e altos, etc.
b).-Combinacións das mesmas en forma de traballo perceptivo espazo-temporal e integrando accións técnicas do porteiro como adversario e como porteiro do equipo.
c).-Empregar os percorridos e circuítos con elementos técnicos como forma de traballo habitual para mellorar as capacidades condicionais e certas accións colectivas: pasar e recibir (parede), apoio e rotura, desdobramentos, pase e vai, paralelas, diagonais, etc.
d).-Desenvolver as accións técnicas, tácticas e estratéxicas de forma que interveñan as capacidades de percepción e decisión.
e).-Desenvolver o xogo de equipo, en ataque, en defensa, con e sen oposición, con e sen superioridade numérica.
f).-Desenvolver a defensa individual en diferentes zonas do campo. Aplicar o contraataque como sistema de xogo a partir do 2-2.
g).-Iniciar a aprendizaxe do sistema de xogo 3-1 estático e con rotacións simples.
h).-Desenvolver a forza xeral cun aumento progresivo do volume dos exercicios de forza rápida (multisaltos, multilanzamientos) e iniciar o traballo de forza resistencia a base de circuítos.
i).-Mellorar a velocidade de reacción e a velocidade gestual, con ou sen balón, utilizando exercicios de complexidade crecente.
j).-Desenvolver a resistencia aeróbica a base de utilizar os sistemas continuos, interválicos e mixtos. Mellorar o grao de flexibilidade a base de aplicar os sistemas de adestramento estáticos e dinámicos.
Obxectivos Conceptuais
-Coñecer a importancia e o desenvolvemento do quecemento e volta a calma dentro da sesión de adestramento. Estiramentos,relaxación.
-Aplicar os coñecementos sobre o regulamento de fútbol sala e coñecer as novidades e/ou posibles modificacións.
-Fixar os hábitos deportivos de anteriores etapas e coñecer os novos.
-Coñecer diversas accións colectivas en defensa, en ataque e algúns sistemas básicos de xogo, en defensa e en ataque.
Actitudinais
-Levar á práctica os hábitos deportivos aprendidos en etapas anteriores como parte do adestramento diario dun deportista. Esforzo.
-Respectar as decisións do árbitro, acertadas ou non.
-Valorar correctamente as decisións do monitor e/ou adestrador tanto nos adestramentos como nos partidos.
-Aceptar e valorar a vitoria e a derrota de bo grado como parte da competición dentro do deporte.
-Valorar a superación persoal e a do equipo por encima dos resultados obtidos na competición.
Contidos de traballo para infantis de 2º ano e cadetes
Procedimentales. Actividades tipo:
-Execución de percorridos e circuítos dirixidos á mellora das capacidades coordinativas específicas do fútbol sala para fixar aprendizaxes anteriores e mellorar as capacidades condicionais.
-Práctica de exercicios que inclúan as habilidades específicas de nova incorporación: fintas, caneos, golpeos de cabeza, pivotajes, etc. e combinacións das mesmas dirixidas ao traballo perceptivo espazo- temporal e integrando ao porteiro como xogador activo en defensa e en ataque.
-Execución de exercicios para mellorar certas accións colectivas: pasar e recibir (parede), apoio e rotura, desdobramentos, pase e vai, diagonais, paralelas...
-Práctica de situacións técnicas, tácticas e estratéxicas onde interveñan as capacidades de percepción e decisión.
-Realización de xogos de cooperación coa máxima participación de todos os membros do grupo, en ataque, en defensa, con e sen oposición, en inferioridade e con superioridade numérica.
-Aplicación do contraataque como sistema de xogo a partir do 2-2.
-Execución da defensa individual en diferentes zonas do campo.
-Iniciación do sistema 3-1 estático con rotacións simples.
-Execución de partidos pre-competitivos, entrenos aplicando os diferentes sistemas de xogo traballados nos adestramentos.
-Execución de exercicios e sistemas de adestramento dirixidos e acordes á idade para traballar as capacidades condicionais: forza, resistencia, velocidade e flexibilidade, integrándoas, se é o caso, dentro dos percorridos e circuítos dirixidos á mellora das capacidades coordinativas específicas do fútbol sala.
Obxectivos Conceptuais
-Explicación das características xerais do quecemento e os estiramentos dentro da sesión de adestramento, e dun partido de competición.
-Explicación do regulamento e as súas modificacións, novidades do mesmo.
-Explicación e aplicación de certos hábitos deportivos: o tabaco, o alcol e as drogas.
-Descrición da defensa en zona, individual, o contraataque e os sistemas 2-2 e 3-1,(defensivamente e en ataque).Movementos básicos rotación ataque defensa.Transicións.
-Saques de esquina.
-Emprego da pizarra para a táctica, colocación e movementos sencillos tanto de atque coma defensivos.
